Lindora laat

28. oktoobril peetäs Lindora tiiristil, Setomaa ja Võromaa piiri pääl, traditsioonilist laato. Kiäki’ tiiä-äi, õt ku ammunõ Lindora laat om, kunas naati sääl laato pidämä. Laadol olõ-õi määnestki’ kindlat programmi, om vannamuudu laat ja parhilla’ väiga’ tahetas sinnä’ üle Eesti kauplõmma minnä’. Eiski’ nätäl varahappa tuldas tiiviirde uutma, õt saia’ hüä kauplõmiskotus. Laadol kaubõldas söögi, näpotüü, tüüstüskaupuga’, a ka’ eläjidõga’: lamba’, kassi’, pini’, kana’, hani’. Muidogi’ saat säält kõrraga’ maitsa’ nii süüki ku ka’ juuki.