09.08.2022 (Visitsetomaa FB)
Äsja valitud Setomaa ülemsootska Anzelika Gomozova tutvustab end ja oma tegemisi:
Elo om minnu tagasi toonu’ Setomaalõ. Siiä’ Luhamaalõ juuskva’ mu juurõ’. Setomaa om kõõ olnu’ mu süämeh, ütskõik koh ma olõ olnu’ ja elänü’. Parhilla’ ma elägi’ vanavanõbidõ taloh ja mi toimõda vannamuudu põllupidämisõ ja turismiga’.
Ma olõ tüüd tennü’ hotelli, turismi ja söögitegemisõ alapääl ja kõrraldanu’ kokkosaamisi nii Eestih ku ka’ Õuruupah, ja no’ ma saa ummi tiidmisi kodokotusõhe üteh tuvva’. Kõgõ viimäte ma olli müügi-turundusõjuht ja turismikõrraldaja teno toolõ tiiä, õt midä oodõtas erinevidõ sektoridõ puult. Turimiskõrraldaja aamõt om olnu’ mu jaos välläkutsõh, mia pand minnu loomingulitsõlt tegutsõmma muutuvah majanduskeskkunnah, ja õt ka’ hindäle saia’ hüvvämiilt tsihte täütmisõl, tull luvva’ kõrralinõ sild tegijidõ ja tsihte vaihõlõ.
Mu sõbralik olõk ja höste läbisaav ellosuhtuminõ om minnu kõõ avitanu’ ja olõ keerolitsõh aoh löüdnü’ lahendusõ’. No’ võta üteh uma’ kogõmusõ’ ja tiidmisõ’ sooviga’ avita’ täämbäist Setomaad, õt s´oo maa umakultuur, luudus ja kõik tegemisõ’ paistusi’ parebahe ja kavvõbahe üle ilma.
Ma hinda korgõlt aigu, ku saa olla’ uma kõgõ lähebidõga’, mullõ meelüs illos kodoluudusõ nelli aastaaigu ja kotoh ahosuu iih kuuma hainatsäiu juvva’, raamatut lukõ’ ja ma hinda korgõlt lihtsat illo ja ello.
Pildi tennü Irina Danilova
#visitsetomaa #setomaa #elupiirimail #setokuningriik #setomaaylembsootska #visitestonia #visitsouthestonia