Petsere mastõr

Petsere mastõra alostusaastagast arvatas 1473 ja edimäne kerik oll liivakivi seeh oosõh, sääl olli’ inne elänü’ eräkmunga’. Tämbätsel pääväl k´au Petsere mastõrahe hulga rahvast üle ilma. Mastõra kõgõ suurõp pühä oma maar´apäiv (Jumalasünnütäjä Uinumisõ päiv) om 28. augustil. Tuul pääväl püüdvä’ tulla’ Petserehe ja mastõrahe ka’ setokõsõ’ õgalt puult liinost ja maalt. Mastõr säetäs tuul pääväl ilosast, õgal puul om hulga lilli ja värehtist kooni pääkerkoni’ om tii katõt lillivaibaga’, tuud nimetedäs Veretii. Pääle teenstüst om ristik´auk ümbre mastõra. 2008. aastagal valiti Petsere mastõr Vinnemaa säitsme imme sekkä: tuuperäst, õt mastõrah om palvit loet päält 600 aastaga, olõ-õi kõrdagi’ vaiht sisse tulnu’.