Irboska linnus 

Kõnõldas, õt Irboskast nakaski’ pääle Vinne riik: 862. aastagal tulli’ s´ooho nulka kol’ varjaagi, kol’ velja, üts näist oll Truvor, kiä jäi valtsõmma Irboskahe. Pikkä aigu oll Irboska üts Vinne riigi tähtsäbit keskuisi. Parhilla’ om tuust aost alalõ õnnõ 14.-16. saandil ehitet Irboska linnus, midä joudumüüdä proovtas kõrda säädä’. Irboska linnus om ilosa kotusõ pääl, Irboska-Mõla mustidsõh oroh, Irboska Liinajärve korgõ kaldõ pääl. Ummamuudu uhkõ kotus om Slaavi lätte’ – Liinajärve kaldõst juusk 12 läteh, nuid arvatas olõvat pühä’ ja vesi tege tervest.